تعالوا نتعلم من الاطفال

الاطفال يتشاجرون كل دقيقة .. وبعد دقيقة تجدهم  يلعبون مع بعضهم ؟
ما هذه الطريقة في التسامح ؟ اذا كنت تعتقد انهم نسوا امر المشاجرة فانت واهم ..
تعالوا نتعلم من الأطفال ..فنون التسامح .

لماذا نرمز للقلب بشكل يختلف عن شكله الطبيعي

لماذ نرمز للقلب بهذا الشكل .. 

بالرغم من ان القلب له شكل مختلف ؟

لماذا نلبس خاتم الخطوبة بالبنصر ؟

هل سال احدكم نفسه لماذا يلبس خاتم الخطوبة والزواج في اصبع البنصر ..؟؟

هناك تفسير جميل جدا ومقنع يرجع أصله لأحد أقدم الحضارات في الصين ..

صدقيني .. غيرك أشطر

تعجبيني .. 

حيل ادري

وصعبة اكذب والا انكر 

بس لكن شكلك نسيتي 

ان اعجابك بي [ أكثر ] 

وصح تعالي 

من يقول اني انقهرت 

يوم شفتك معاه

مو تعالي ولا تكبّر

بس يكفيه انه بيحلم ..

بـ شي بعدي ... 

يا سُـكر 

ياحياتي ... حذاري 

لا تذبين الكلام 

وان كان فكرتي تذلي

صدقيني غيرك أشطر 

صدقيني غيرك أشطر 

صدقيني غيرك أشطر 

صدقيني غيرك أشطر 

قلنا آسف .. مارضيتي !!

قلنا آسف .. 

ما رضيتي..

ابتعدنا .. تزعلين !

جينا لمك ابتعدتي ..

وانسحبنا..و  ترجعين !!!

خافي ربك ..

انا احبك ... 

امانه قولي وش تبين ..

لو تبيني اقوم واصرخ

واسمع العالم احبك ..

صدقيني حاضرين

كلها عندي تهون 

الا انك تزعلين !

ناظرتني بنص عين !

ناظرتني ...

بنص عين ..

وبنفس نظراته لي اول 

يعني من تحتي لفوقي 

وميلت فمه... واقفت 

يعني ما اعجبها كلامي 

وأدري ماهمه كلامي ..

وبسكوته ..حطمتني 

ورفعت ضغطي اكثر 

راحت عني وأقفت 

وعلى ايقاع الرحيل 

فجاة صوت الكعب وقف ..

واستدارت باتجاهي وقالت 

الشرهه ماهي عليك 

على قلبي أنا اشره ..

صدق مدري وش اقول

ضاقت يعيوني الحلول

وماهو ذنبي ..

يوم احاول أني اشدك 

وانت تفسرها حقاره 

يا حقير ....

يا صغير ..

يا الخبل 

تدري ان البنت لما 

ترمي بنفسه لرجل 

تصبح انسانه حقيره

وانا من ربي خلقني

عزتي دايم كبيره 

وعلى فكره

آخر نظراتي معاك 

هذي الحلقه الأخيره

ناظرتني .. 

بنص عين !

نظرة فيها احتقار ..

شايفه نفسه كثير ..

للأسف بنت الحلال ..

ادري آيه بالجمال 

وكل تفاصيله خيال 

بس ما يخليها تتكبر

كن هالناس عبيد

وهي سمو الأميره 

واجتمعنا ..

ثاني صدفه...

والتقينا في طريق ..

وكررتها ..

نفس نظراته .. تكرر

بكل تفاصيله و ترحل

حتى صوت الكعب نفسه

تك تك تك ..

وكل دقة كعب ..كانت

تبعده عني أكثر 

لين تتوارى وتبعد

وتصمت الدنيا بدونه 

ويبقى شي من جنونه

وشي من ريح عطره 

و جمره ابقلبي وحسره

وكل ما تقابلنا صدفه ..

نفس الموقف يتكرر

وانا دايم في عيونه 

شي تافه حقير 

مابقى فيني صبر 

مصختها هالحقيره ..

وجمعتنا الصدفه ثاني 

ونفس الموقف تكرر 

بس هالمره انفجرت

ما قدرت ..

وبأعلى صوتي صرخت 

هيه انتي ...

هيه انتي ..

لو سمحتي ...لو سمحتي 

ابي من وقتك ثواني 

كلمة عندي واسمعيها ..

لو فرضنا ..

انك صعدتي ..

بأعلى قمة بالجبال 

وبأعلى نقطه جلستي ..

وانا بالقاع  تحتك 

ادري بتشوفيني.. صغير

مثل ما انا أشوفك

وانتي بالقمه صغيره

بوابة عبور

لا تطالعـنـي ونـظـراتـك حـكـايـه ........ 

........ لا تلخبـط لـي موازييـن   الأمــور

من لمحتك ضعـت كلـي بالبدايـه ........ 

........ وثار بي شـيِ   حسبتـه  مـا يثـور

ياهي نظراتك تلاعب في حشايه ........ 

........ لعنبوهـا  كـل مـا تلّـخـس  تـجـور

كل ماسلهمت لي تسـوي جنايـه ........ 

........ ضيّعتني كلي و ضيّعت الحضور

أنته مع غيـري والا انتـه معايـه ........ 

........ من سمح لك تبني بنظرة  جسور

والا تعذيبـي تمـارس بـه هوايـه ........ 

........ لا تحـرك شـي بالقـلـب أمغـمـور

أسالـك بالله مــا شـفـت المـرايـه ........ 

........ يـا جمالـن فيـك مـا أظنّـه  يـبـور

أستبيـح العـذر مـا جانـي كفـايـه ........ 

........ أنكسـر قلبـي وحطمّـت الشـعـور

ماني مستوّعب تفاصيل النهايـه ........ 

........ كانـت الأوقـات توحـي بالسـرور

أثـر نظراتـك لغيـري مـن ورايـه ........ 

........ لا حبيـبـي .مـانـي بـوّابـة عـبـور

وش قصتك انتي معي

 في عتمة... النسيان جيتي
وش تبين ؟


يا أصعب .. احروف السنين ؟
ياحبي القاسي ..... السجين ؟ 
وش تبين ؟؟
وش تبين ؟ 

وش قصتك... أنتي معي ؟
كل ما نسيتك [ ترجعي ] ؟؟ 
وتجددي الجرح الأليم
أرجوك من كلي أطلعي


ولا تجين ..... وش تبين ؟؟
وش تبين ؟؟

[ حبك ] نسيته من سنين؟
يا حبي المّر الدفين ...


من غبتِ وغابت معاك ؟؟
اللهفه و [ أنفاس الحنين ]


لا تجين ...لا تجين 
وش تبين ؟؟

اتركيني ... لـ [ الألم ]
أكتب عبارات [ الندم ]
و أرمّم الحلم القديم ...
حباً بنيته..و [ أنهدم ] ؟


ولا تجين ..وش تبين ؟؟
وش تبين ؟؟

وجيتي ..وش تبين ؟
وش تبين ؟


كل ما أقول أني... [ نسيت ]
وارتحت من همّي [ وسليت ]


القاك في عذرك ... تقول
أشتقت لأيامك و [ جيت ] ؟


لا تجين ؟ لا تجين ؟
وش تبين ؟

احترت .. وأتعبني هواك ؟؟
عجزت لا [ أخفي غلاك ] ?


وأذا نويتي ترحلي ..
خوذيني يا [ ياقلبي ] معاك 


و لا تجين و لا تجين ...
لا تجين 
لا تجين 

قد الغياب اللي بلا عذر بنساك

اذا غـيـابـي ســـرّ عـشـتـه بـدنـيـاك _______ 

_______ تقـدر تقـول المعجـزه هـي ظـهـوري

بكون صادق ارحـل اليـوم مـا ابغـاك _______ 

_______ صعـبـه ازيّــف بالمـحـبـه شـعــوري

عنـدي جـرآءه انـهـي الـحـب ويّــاك _______ 

_______ وقاعـد ارتـب مـع خفـوقـي أمــوري

حـطـمـت قـلـبـي حـطــم الله دنــيــاك _______ 

_______ عسـاك تلعـب بالهـوى نـفـس دوري

محـد يـسـوي فــي حبيـبـه سـوايـاك _______ 

_______ كم قلت لك حاسب ولا طعت شوري

اهملـت قلـبـاً لـلأسـف كــان يـهـواك _______ 

_______ واصبح رحيلك عند قلبـي ضـروري

ملـيـت حـبـاً كـلـه اشــواك بـاشـواك _______ 

_______ ودي بـدنـيــا كـلـهــا ورد جـــــوري

كنت احسبك مهما قسى الوقت القاك _______ 

_______ زي الفراشـة تحـتـرق عـنـد نــوري

لكـن خسـارة مـا بقـى غيـر ذكــراك _______ 

_______ ذكــرى اليـمـه ترجمتـهـا سـطــوري

قد الغياب اللـي بـلا عـذر ب انسـاك _______ 

_______ وفرقاك عندي من دواعي سـروري

يا ويل اللي يجي بعدي

تصاحبتوا !

تصادقتوا !

صرتوا  اثنينكم  ضدي ؟

تجمعتوا ..

عجب والله ..

وش اللي بس جمعكم 

انا ودي ..

أذا ممكن .. 

بعد أذن اثنينكم طبعاً..

جواب لبعض أسئلتي ..

جرحتوني ليه يا أنتم ..

وأنا جرحي .. نزف احمر 

يعني شفتوها شويه ..

جرح واحد .. 

وقلتوا يالله

 نجرحه ..أكثر وأكثر 

نسيتوا أني بشر ..يمكن 

ولي احساس واتأثر !

ورجعتوا لأسلوبكم البايخ

وهمشتوني ..و تجاهلتوا !

نسيتوا ..كل اسئلتي ..

ودفنتوا بالحيا اجابتي ..

و تكاثرتوا  علي الفرحة ..

 وجيتوا تكملوا الناقص ..

وبكل غرور الدنيا طبعاً

 طنشتوا وتجاهلتوا 

حسافة بس اعجابي .. 

أنا مدري على وشو ؟

عموماً اسمعوني زين 

يا أنتم ياللي .. تصاحبتوا 

وصرتوا أثنينكم ضدي ..

بجاهد لين أحرر قلب 

 هايم فيكم ومُعجب..

قبل ارحل ..

بروح أعتصم وأخذ 

معايا جروحي وأحزاني 

ولوحة تختصر جرحي ..

[ ياويل اللي يجي بعدي ] 

أبجد الحب

تذكرين ..

يوم جيتي تسألين !

عن كلام العااااشقين !!

وعن قلوب بـ لون أحمر 

وسهم له أطراف تنزف 

من يسار ومن يمين !

وقلتلك هذي تمثل..

احساس رائع ..

بس صعب 

وقمتي اكثر تسألين ..

وفوق اكتاف قلبي ..

يم قلبي تصعدين !

حتى انا قمت اسأل 

ليه  قلبي صار أسرع

يوم اشوفك تقبلين !!

لين استحليتي عروقي 

وطب استاذك وحب 

 كنت استاذك وحبيبك 

وكنت وحدي في حياتك

وكنت اشوف ان الكمال

كله موجود بصفاتك

كنت ازرع في خصالك

أجمل خصال العاشقين 

وكنتي أشطرهم ..صراحه
في دروس ابجد الحب
كنت اتحدى واراهن 

مثل قلبك مافي قلب

وبالختام ..

 انتهت قصة غرام

فيها كان الكلام 

خارج حدود الكلام 

خنتي استاذك خسارة 

رغم انك تذكرين ..

ان جرووح الحب توجع 

ومابها حيله وطبّ 

راح عمري ومنتي لي

جتني تسأل عن جديدي!

صدقيني لا جديد ؟

غير جرحاً .. باقي ينزف..

واتعب النزف ...الوريد 

وكل ما زادت جروحي

أنتظر جرحاً جديد !

ماهي اجروحي جديده 

و ماهي غريبه علي؟

من تفارقنا بكيتك ..

لين .. ملتني الدموع

كل مافيني يكابد...

ويحلم بلحظة رجوع ؟

.

كل ما جيتك أداوي

همّ ساكن بالضلوع ...

للأسف خنتي الأماني 

وجيتي .. كملتي عليّ !

.

ملت الدنيا .. وصالك

والاماني فيها خوف ...

شلون تضحك لك حروفي ؟ 

والحزن لون الحروف ؟

وكل ماطال انتظاري 

وطالت اوقات الوقوف 

.

ملت الدنيا وقوفي ...

وزعلت اقدامي علي؟

الاماني في رجوعك

لبست ثياب الأمل ..

والرجاوي ..من وعودك 

صابها حزن وملل

وكل يوم اقول باكر ..

يمكن أني... أحتفل

وانتي مع غيري خسارة 

و راح عمري منتي لي ؟

صمتي وصمتك

تكفى اعلنها صريحه قل [أبيـك] أو [مـا أبيـك]............. 

............. الصراحـة بالمحبه...[عـادي] مـا فيـهـا زعــل !

أنطـر بلهفـه [ جـوابـك ] كــل مـابـي يحتـريـك............. 

............. لا [ تعلقني ] .. [ فديتك ] ماني قادر أحتمـل

كل [عرقاً ] بي [ يحبك ] كل مابـي يشتهيـك............. 

............. مدري حبي لك [ طبيعي] والاعامل لي عمل

والا وش معناهـا انـي [انجـرح منـك واجـيـك]!............. 

............. وليه أحبك في [ جنون] وأنت قاتلنـي قتـل؟؟

شفني لعيونك حضرت وكل حياتي في يديـك............. 

............. مدري حسيـت بحضـوري والا كـل هـذا ثقـل !

قلبي اللي [ ملكتـه ] .. رافضـاً هـذي و ذيـك............. 

............. عمره مـا فكـر بغيـرك.. ولا عـن [ثانـي] سـأل

رافـض الفكـرة [ بتاتـاً ] مـا يسـاوم مّـره فـيـك............. 

............. أنت متربـع لحالـك ...وان ظهـر [غيـرك] أفـل !

أن جرحته [ يبتسـم لـك ] لـو تبيعـه يشتريـك............. 

............. هو جنون الحـب هـذا ? أو كـذا سلـوم الغـزل!

الغريبه اني [ اسكت] لو تجي عينـي بعينيـك............. 

.............المشاعر فـي حضـورك ضاعـت بلحظـة خجـل

ماقدر ينطـق لسانـي ماجمـع [حرفيـن ] بيـك............. 

............. وانا ياما في [غيابك] قلـت فـي وصفـك جُمـل

ارفــق بقلـبـاً يحـبـك [ بــح ] صوته...يرتـجـيـك............. 

............. وانتا مو راضـي تبيـن وش أسـوي لـك اجـل ?

لـو تبـي عيونـي حلالـك اشـر [بأصبـع] تجيـك............. 

............. مهما كان اللي تبيه و مهمـا بسبابـه حصـل !

حط في بالك حبيبي....كلي ما أغلـى عليـك............. 

............. مهما تجرحني تاكد..... كلهـا عنـدي عسـل !

طـال صمتـك وصمتـي .. قلت[ياويلـي عليـك]............. 

............. .في عيوني لك [كلام] وفي حطامي لـك أمـل

حتـى لـو طـوّل [سكوتـك] انـا صابـر واحتـريـك............. 

............. مستحيل احب غيرك لـو يسمونـي [ خبـل ]!

تكفـي أعلنهـا صريحـة قل[أبيـك] او[مـا أبيـك]............. 

............. لا تعلقني [فديتـك] ......مانـي قـادر أحتمـل!!

حطمت قلبي حطم الله دنياك

اذا غـيـابـي ســـرّ عـشـتـه  بـدنـيـاك

........ تقـدر تقـول المعجـزه هـي ظهـوري

بكون صادق ارحـل اليـوم مـا ابغـاك

........ صعـبـه ازيّــف بالمحـبـه  شـعــوري

عنـدي جـرآءه انـهـي الـحـب ويّــاك

........ وقاعـد ارتـب مـع خفـوقـي أمــوري

حـطـمـت قـلـبـي حـطــم الله  دنـيــاك

........ عسـاك تلعـب بالهـوى نـفـس دوري

محـد يـسـوي فــي حبيـبـه سـوايـاك

........ كم قلت لك حاسب ولا طعت شـوري

اهملـت قلـبـاً لـلأسـف كــان يـهـواك

........ واصبح رحيلك عند قلبـي ضـروري

ملـيـت حـبـاً كـلـه اشــواك بـاشـواك

........ ودي بـدنـيــا كـلـهــا ورد جـــــوري

كنت احسبك مهما قسى الوقت القاك

........ زي الفراشـة تحـتـرق عـنـد نــوري

لكـن خسـارة مـا بقـى غيـر  ذكــراك

........ ذكــرى اليـمـه ترجمتـهـا  سـطـوري

قد الغياب اللـي بـلا عـذر ب انسـاك

........ وفرقاك عندي من دواعـي سـروري

كان أسم مثل باقي الاسامي

البداية ...
كان أسم ...
مثل باقي الاسامي...
يمر اسمه ولا أعبره ..
ولا حتى هو يعبرني ..
يا كثر ما اشغلته وأشغلني
وياما جننته وجنني ..
و تكرّر الموقف كثير ..
وبديت أحس أني عنده غير ..
مثل ماهو عندي غير ..
وكل علامات الأعجاب ..
أحس أنها فيني و فيه ..
ومع مرور الوقت ...
زاد حبه .. و تطوّر




أنا أدري غيري يبيه ...
وكثير اللي يموتون فيه ..
بس كيف آصله وشلون أجيه !!
ابيه...
واللي زرع حبه بقلبي ابيه
ليته يحس ...بنص اللي فيني عليه
يعني أرسل مثلهم على الخاص ؟
لا ...لا ....لا
ابي أكون عنده غير
حتى بطريقة وصولي ..
ومن كثر ما كنت ابيه ...
غصب علي صرت فضولي ...
وصرت أتابع ...كل حروفه ..وردوده
مصيبه ...أكتشفت
في قلبه . . .شخص غيري؟؟
ياعذابي وياجنوني. .
ضعت وأنشل تفكيري
وعلى كثرما هالقلب حب
على كثر ما تعوّر ؟؟






بجمّع اوجاعي
وأداوي جروحي
وأعاهد نفسي ..
أني راح اجاهد في هواه...
صعبه ..أتنازل بهالسهولة ؟؟
ورجعت أكثر من أول اتبعه ..
كلي معه ...وماني معه ...
وأنا بعز هالمعمعه ..
جتني منه رسالة ...
كني من الفرحة بطير
تطور الحال ...
وزاد السؤال ...
وصارت مثلي تشتاق ..
وبآخر أوراق الأمل
جتني حياتي في خجل
وقالت أحبك تصوّر

تنوية

بأختصار ..
في عالم النت ..
بدأت الكتابة باسم مستعار ..
ولان كل شي كان صناعي ..
فلا حقوق تحفظ ..
 فكان القرار ..
لا... للاسم المستعار